ထိုင်းအခွင့်ထူးခံ ဗီဇာ ပလက်တီနမ်အဆင့် အဖွဲ့ဝင်မှု

၂၀၂၃ ခုနှစ် စက်တင်ဘာလတွင် ပလက်တီနမ်အဆင့် အဖွဲ့ဝင်မှုအမျိုးအစားအသစ်ကို Thailand Privilege Card Company (TPC)မှအများသိအောင်ကြေညာပေးခဲ့ပါသည်။ Thailand Privilege Cardကို ယခင်က Thailand Elite ဟုအများသိခဲ့ကြပြီး အပြုံးလှတို့၏တိုင်းပြည်တခွင် ခရီးနှင်ဖို့စိတ်ဝင်စားကြသူများ (သို့မဟုတ်) ထိုင်းနိုင်ငံကို ဒုတိယအိမ်သဖွယ်ဖြစ်စေချင်ကြသည့်သူများအနေဖြင့် (၅)နှစ်ထက်မကပိုပြီးနေထိုင်လိုလျှင် ယခုလို (၁၀)နှစ်တာသက်တမ်းရှိ အဖွဲ့ဝင်မှုအမျိုးအစားသည် ၎င်းတို့အတွက် အကောင်းဆုံးရွေးချယ်မှုတစ်ခုဖြစ်ဖို့ရည်ရွယ်ပါသည်။

ယခင် Thailand Elite အဖွဲ့ဝင်မှုဖြင့်နှိုင်းယှဉ်လျှင် ၎င်းထက်ပိုသာသောအကျိုးခံစားခွင့်များနှင့်အခွင့်ထူးများကို ထိုင်းဘတ်ငွေ ၁၅သိန်းလောက်ဖြင့် အဖွဲ့ဝင်သူများရရှိကြပါမည်။ အဖွဲ့ဝင်များအတွက်ထိုင်းနိုင်ငံအတွင်းပျော်ရွှင်မှုပိုမိုရရှိနိုင်စေခြင်းမှအစပြု၍ လှုပ်ရှားမှုများစွာနှင့် အထင်ကရနေရာများအပါအဝင် အသစ်အသစ်စသောအခွင့်ထူးများကိုခံစားနိုင်စေရန် စနစ်တကျပြင်ဆင်ထားပါသည်။ အခွင့်ထူးခံရမှစနစ်အသစ်ကြောင့် အဖွဲ့ဝင်များအတွက်ကန့်သတ်ချက်များမရှိတော့ဘဲ မိမိတို့ရမှတ်များကိုအသုံးပြုခြင်းအားဖြင့် ရရှိနိုင်သောအခွင့်ထူးများကို ခံစားနိုင်ပါမည်။ Elite Visa မှာကဲ့သို့ အခြားဗီဇာများနှင့်စာလျှင် လျှောက်ထားမှုသည်ပို၍လွယ်ကူမြန်ဆန်ပြီး၊ အခကြေးငွေထပ်ပေးစရာမလိုခြင်း (သို့မဟုတ်) ထိုင်းနိုင်ငံသို့ပြန်ဝင်ခွင့်များကြောင့် ခရီးသွားခြင်းကိုပို၍အဆင်ပြေချောမွေ့စေပါသည်။

မူလလျှောက်ထားသူများသည် ၎င်းတို့၏မိသားစုများကိုပါဖိတ်ခေါ်နိုင်သည့်အခွင့်အရေးရှိသည်နှင့်အညီ လျှောက်ထားသူတစ်ဦးလျှင် ထိုင်းဘတ်ငွေ၁၀သိန်းကျသင့်ပြီး ထိုင်းနိုင်ငံအတွင်းမှာရှိနေစဉ် အဖော်ပြုပေးခြင်းဖြင့်အတူတူအချိန်ကုန်စေပါသည်။ Elite Family Alternative ကဲ့သို့သော မိသားစုသီးသန့် ပက်ကေ့ခ်ျများကို သီးသန့်ဝယ်ယူစရာမလိုတော့ပါ။

စက်တင်ဘာလရှိနောက်ဆုံးသတ်မှတ်ထားချိန်ကုန်ဆုံးသွားသဖြင့် Thailand Elite Visa မလျှောက်လိုက်ရသူများကိုဆွဲဆောင်နိုင်ရန် Thailand Privilege အဖွဲ့ဝင်မှုအမျိုးအစားများကိုအဆင့်မြှင့်ထားပါသည်။ Platinum Membership ပလက်တီနမ်အဆင့်အဖွဲ့ဝင်မှုအမျိုးအစားသည် ထိုင်းနိုင်ငံအပေါ်သင်၏အမြင်ပိုကောင်းလာစေရန်ရည်ရွယ်ပြီး ထိုအမြင်ကြောင့်ပင် သင့်အနေဖြင့် တစ်ချိန်ချိန်တွင် ထိုင်းနိုင်ငံ၌အခြေချနေထိုင်ချင်စိတ်ဖြစ်ကောင်းဖြစ်လာနိုင်ပါလိမ့်မည်။

Thailand Privilege ၏ ပလက်တီနမ်အဆင့်အဖွဲ့ဝင်မှု Platinum Membership ကို ၂၀၂၃ ခုနှစ်၊ အောက်တိုဘာလ (၁)ရက်နေ့တွင်စတင်မည်ဖြစ်ပါသည်။

ပလက်တီနမ်အဆင့်အဖွဲ့ဝင်မှုပက်ကေ့ခ်ျကို ယေဘုယျအကျဉ်းချုံ့တင်ပြခြင်း

သက်တမ်း ။။ (၁၀) နှစ်
ကျသင့်ငွေ ။။ ထိုင်းဘတ် (၁၅)သိန်း (အမေရိကန်ဒေါ်လာ ၄၁၅၀၀ နီးပါး)
မိသားစုဝင်များအတွက် ထပ်ပေးရမည့်ကျသင့်ငွေ ။။ ထိုင်းဘတ်ငွေ (၁၀) သိန်း (အမေရိကန်ဒေါ်လာ ၂၇၆၀၀ နီးပါး)
အခွင့်ထူးခံရမှတ်များ ။။ တစ်နှစ်လျှင် (၃၅)မှတ်
အဖွဲ့ဝင်များရရှိမည့်အကျိုးခံစားခွင့်များ ။။

အနည်းဆုံး (၅)နှစ်တာသက်တမ်းရှိပြီး အသစ်ထပ်လုပ်နိုင်သော အကြိမ်ကြိမ်ပြည်ဝင်ခွင့်ရသော ဗီဇာ(၂)ခု
ထိုင်းနိုင်ငံအတွင်းသို့တစ်ကြိမ်ဝင်ရောက်ပြီးလျှင် တစ်နှစ်အထိနေထိုင်ခွင့် (ဗီဇာသက်တမ်းတိုးခွင့်ရှိ)
Premium Lane မှတစ်ဆင့် မြန်ဆန်သော လဝကဝန်ဆောင်မှုကို အကန့်အသက်မရှိရရှိခြင်း။
Elite Personal Assistant (EPA) ဝန်ဆောင်မှုကိုအကန့်အသတ်မရှိရရှိခြင်း။
နှစ်စဉ်ကျန်းမာရေးစစ်ဆေးမှုများ (အဖွဲ့ဝင်သက်တမ်းအတွင်း တစ်ကြိမ်)
Anantara Vacation Club တွင်တစ်ညတာတည်းခိုခြင်း (အဖွဲ့ဝင်မှု၏ပထမနှစ်အတွင်းသာလျှင်)
ယာဉ်မတော်တဆမူအတွက် သီးသန့်အာမခံအစီအစဉ် Personal Accident Insurance (PAI) (အဖွဲ့ဝင်ခွင့်ရသည့် ပထမဆုံးနှစ် ရက်ပေါင်း(၁၈၀)ရက်အတွင်းသာလျှင်)
Premium Lounge၊ ကားပါကင်နေရာ အခွင့်ထူးများ နှင့် ဈေးဝယ်ထွက်အကူဝန်ဆောင်မှု (ရက်ချိန်းကြိုယူထားရန်)
(ထိုင်းနိုင်ငံအတွင်း ရုပ်ရှင်လက်မှတ်တစ်စောင်ဝယ်လျှင်၊ တစောင်အခမဲ့ အကြိမ်ရေအကန့်အသတ်မရှိရရှိနိုင်ခြင်း)
ထိုင်းနိုင်ငံအတွင်းရှိ Mos Burger ဆိုင်များတွင် တစ်လတစ်ကြိမ် တစ်ခုဝယ်လျှင် တစ်ခုအခမဲ့ရရှိနိုင်ခြင်း
မွေးနေ့လက်ဆောင်များ
ရင်းနှီးမြှပ်နှံမှုနှင့် ငွေကြေးဆိုင်ရာအကြံပေးဝန်ဆောင်မှုကဏ္ဍများ
ထိပ်တန်းစားသောက်ဆိုင်နှင့် စတိုးဆိုင်များတွင်လျှော့စျေးများရရှိနိုင်ခြင်း။
24/7 Member Contact Centre (MCC) အဖွဲ့ဝင်များအတွက်ဆက်သွယ်ရန်ဌာနမှ အင်္ဂလိပ်၊ မန်ဒါရင်၊ ဂျပန် နှင့် ကိုရီးယားဘာသာစကားများဖြင့်ဝန်ဆောင်မှုပေးခြင်း (နောင်တွင်အခြားဘာသာစကားများကိုလည်း ထည့်သွင်းဆောင်ရွက်သွားပါမည်။)
ရမှတ်အလုံ‌အ‌လောက်ရှိခြင်းဖြင့် အခြားသောအကျိုးခံစားခွင့်များကိုပါရယူနိုင်ပြီး သင်၏ထိုင်းနိုင်ငံအတွေ့အကြုံကို ပို၍ကောင်းမွန်စေမည်ဖြစ်ပါသည်။

Elite Visa နှင့်မတူဘဲ အသစ်စက်စက်ပေါင်းထည့်ထားသောအရာများ

အမျိုးမျိုးသောအကျိုးခံစားခွင့်များကိုရောနှောထည့်သွင်းထားသောကြောင့် Thailand Privilege PLATINUM Membership ပလက်တီနမ်အဆင့်ကိုအဖွဲ့ဝင်မှုသည် Thailand Privilege GOLD Membership ထက်သာမကဘဲ အဖွဲ့ဝင်မှုအမျိုးအစားဟောင်းများဖြစ်ကြသော Elite Privilege Access Membership၊ Elite Family Alternative Membership နှင့် Elite Superiority Extension Membership တို့ထက် ပိုမိုသာလွန်အဆင့်မြင့်သောအဖွဲ့ဝင်မှုအမျိုးအစားတစ်ခုဖြစ်ပါသည်။ Thailand Elite Visa ပက်ကေ့ဂျ်အဟောင်းများကို စက်တင်ဘာလလယ်နောက်ပိုင်းတွင် အသုံးမပြုတော့သော်လည်း၊ ဤအဖွဲ့ဝင်အသစ်သည် ရင်းနှီးမြှုပ်နှံမှုကို အကြောင်းခိုင်လုံမှုရှိစေရန် ထပ်လောင်းအကျိုးခံစားခွင့်များဖြင့် ပံ့ပိုးထားပါသည်။

အခွင့်ထူးရမှတ်စနစ်

ဤစနစ်သည် စက်တင်ဘာလလယ်ပိုင်းမှစပြီး ရပ်တန့်သွားပြီဖြစ်သော အခွင့်အထူးခံဗီဇာဟောင်းစနစ်၏နေရာတွင်ဝင်ရောက်လာသော စနစ်သစ်ဖြစ်ပါသည်။ မည်သည့်အဖွဲ့ဝင်မှုမျိုးရှိထားသည်ဖြစ်စေ အဖွဲ့ဝင်များသည် အကျိုးခံစားမှုများအတွက် ရှိထားသောရမှတ်များကိုအသုံးပြုပြီး မည်သည့်အကျိုးခံစားခွင့်များကိုမဆိုရွေးချယ်နိုင်ပါသည်။
အဖွဲ့ဝင်များသည် ရမှတ်များကိုအသုံးပြု၍ အကျိုးခံစားခွင့်တစ်မျိုးမျိုးကိုရယူဖို့ဆုံးဖြတ်ရာတွင် သီးသန့်စီစဉ်ထားသောအကျိုးခံစားခွင့်များကို မိမိတို့ဆန္ဒရှိသလို လွတ်လပ်စွာရွေးချယ်နိုင်ပါသည်။
PLATINUM အဆင့်အဖွဲ့ဝင်များသည် နှစ်စဉ်ရမှတ်ပေါင်း(၃၅) မှတ်ရရှိမည်ဖြစ်ပြီး၊ ၎င်းတို့အတွက်ရရှိနိုင်သော မည်သည့်အကျိုးခံစားမှုမျိုးကိုမဆို အသုံးပြုနိုင်မည်ဖြစ်ပါသည်။
နှစ်စဉ်နှစ်တိုင်း အခွင့်ထူးခံရမှတ်များကို ပြန်ဖြည့်ပေးမည်ဖြစ်သည်။ တစ်နှစ်အတွင်း (၁၅)မှတ်အသုံးပြုထားလျှင် နောက်နှစ်သစ်၏အစတွင် မိမိတွင် စုစုပေါင်း (၃၅)မှတ်ပြန်ရရှိမည်ဖြစ်ပါသည်။

Elite Easy Access Membership အဖွဲ့ဝင်မှုဟောင်းတွင်မပါသောအသစ်ထပ်တိုးလာသည့်အကျိုးခံစားခွင့်များ

ကျန်းမာရေး ။။ ဆရာဝန်ထံ အဆင်ပြေစွာသွားရောက်တွေ့ဆုံနိုင်ခြင်းအပြင် အပိုရရှိနိုင်သော ကျန်းမာရေးဆိုင်ရာအကျိုးခံစားခွင့်များဖြစ်ကြသည့် နှစ်စဉ်ကျန်းမာရေးစစ်ဆေးမှုများ၊ ရက် (၁၈၀) အတွင်း ယာဉ်တိုက်မှုအာမခံပေးခြင်း နှင့် မေတ္တာလက်ဆောင်အနေဖြင့် Spa ဝန်ဆောင်မှုများ။
အခမဲ့ဟိုတယ်ည ။။ အဖွဲ့ဝင်မှုရရှိပြီးပထမနှစ်အတွင်း Anantara Vacation Club တွင်တစ်ညတာအခမဲ့တည်းခိုခြင်းဖြင့် သင်၏ပထမဆုံးနှစ်ကို ထူးထူးခြားခြားဖြစ်အောင်လည်းဖန်တီးနိုင်ပါသည်။
ဖျော်ဖြေရေး ။။ အခမဲ့ရုပ်ရှင်ရုံလက်မှတ်များ၊ ရုပ်ရှင်ရုံများတွင် အထူးသီးသန့် VIP ထိုင်ခုံများ၊ ဂေါက်သီးရိုက်သင်တန်းများတွင် ရရှိနိုင်မည့်အကျိုးထူးခံစားခွင့်များ စသည့်ဖျော်ဖြေရေးဆိုင်ရာအခွင့်ထူးများရယူပြီး ဇိမ်ကျအပန်းဖြေနိုင်မည်လည်းဖြစ်ပါသည်။
လျှော့ဈေးများ ။။ အဆင့်အတန်းမြင့်စားသောက်ဆိုင်များနှင့် ထိပ်တန်းစတိုးဆိုင်ကြီးများတွင် စျေးနှုန်းသက်သာစွာ ဝန်ဆောင်မှုရယူနိုင်ပါမည်။

ပိုမိုလွယ်ကူစေသော လျှောက်ထားမှုနှင့် လဝကဆိုင်ရာလုပ်ငန်းစဉ်များ

ED Visa ပညာရေးဗီဇာကိုင်ဆောင်ထားသူများ ။။ ED Visa ကိုင်ဆောင်ထားသူများအနေဖြင့် ၎င်းတို့၏ပညာရေးအဖွဲ့အစည်းနှင့် ၎င်းတို့၏ဗီဇာတို့သည်တရားဝင်ဖြစ်နေသမျှကာလပတ်လုံး စိတ်ပူပန်စရာမှာမလိုအပ်ပါ။
တရုတ်နိုင်ငံသားများ ။။ တရုတ်နိုင်ငံသားများအနေဖြင့် Interpol သို့ရည်ညွှန်းခြင်းကို ဆောင်ရွက်စရာမလိုအပ်တော့ပါ။ နောက်ခံရာဇဝင်စစ်ဆေးမှုသည်လည်း အခြားနိုင်ငံသားများနည်းတူသာကြာမြင့်တော့မည်ဖြစ်ပါသည်။
ရိုးရှင်းလှသောလျောက်ထားမှု ။။ အသစ်ဝင်လာသောလျှောက်ထားသူများသည် ပိုမိုလွယ်ကူပြီး တတ်သုတ်ရိုက်ဆောင်ရွက်စရာမလိုဘဲ မိမိတို့နှစ်သက်သောအဖွဲ့ဝင်မှုအမျိုးအစားကို စိတ်တိုင်းကျရွေးချယ်နိုင်ပါမည်။ Elite Visa လျှောက်ထားမှုကို မြန်ဆန်လှသည်ဟုထင်မြင်ခဲ့သူများသည် အဖွဲ့ဝင်မှုအမျိုးအစားအသစ်ကိုလျှောက်ထားရာတွင် ယခင်ထက်ပို၍လွယ်ကူသည်ကိုတွေ့ရပါလိမ့်မည်။

Elite Privilege Access၊ Elite Family Alternative နှင့် Elite Superiority Extension Membership များကို အဆင့်တိုးမြင့်နိုင်ခြင်း

ဤ Thailand Elite အဖွဲ့ဝင်မှုပက်ကေ့ခ်ျများကိုကိုင်ဆောင်ထားသူများသည် ထိုင်းဘတ်အနည်းငယ်ပေးလိုက်ရုံဖြင့် PLATINUM ပလက်တီနမ်အဆင့်အဖွဲ့ဝင်မှုအဖြစ်သို့အဆင့်မြှင့်တင်ဖို့ အရည်အချင်းပြည့်မီပါသည်။

အဆင့်တိုးမြှင့်ခနှုန်းထား ။။ ထိုင်းဘတ် ၁၀၀၀၀၀ (အမေရိကန်ဒေါ်လာ ၂၇၆၀ နီးပါး)
နှစ်စဉ်ကြေး ။။ ထိုင်းဘတ် ၇၅၀၀၀ (အမေရိကန်ဒေါ်လာ ၂၀၇၀)
သက်တမ်း ။။ ပက်ကေ့ခ်ျဟောင်း၏ ကျန်ရှိနေသောသက်တမ်းပေါ်တွင်မူတည်သည်။

Thailand Privilege PLATINUM Membership ပက်ကေ့ခ်ျတစ်ခုလျှောက်ထားနည်

လိုအပ်သောစာရွက်စာတမ်းများ

ပလက်တီနမ်အဆင့်အဖွဲ့ဝင်မှုလျှောက်လွှာကိုဖြည့်ပြီးလက်မှတ်ထိုးပါ။
Personal Data Protection Act ဖောင် (PDPA) တွင်လက်မှတ်ထိုးပါ။
နိုင်ငံကူးလက်မှတ် (မိတ္တူကို ကာလာဖြင့် မိမိ၏လက်မှတ်ပေါ်လွင်အောင်ကူးပေးရပါမည်)။
လျှောက်ထားသူ၏ဓာတ်ပုံ (နိုင်ငံကူးလက်မှတ်ရှိဓါတ်ပုံအရွယ်အစားဖြစ်ပြီး ကာလာဖြင့်ရိုက်ကူးရပါမည်)။
နောက်ဆက်တွဲ စာရွက်စာတမ်းများ (ပုံမှန်အားဖြင့် မိသားစုဝင်တစ်ဦးကို အဖွဲ့ဝင်အဖြစ်ထည့်မည်ဆိုပါက တောင်းဆိုလာမှသာတင်ပြရပါမည်)။
မှတ်ချက် ။။ လျှောက်လွှာနှင့် PDPA ဖောင်များတွ င်ထိုးသောလက်မှတ်သည် နိုင်ငံကူးလက်မှတ်တွင် ထိုးသောလက်မှတ်များနှင့်အတူတူဖြစ်ရပါမည်။

လျှောက်ထားမှုလုပ်ငန်းစဉ်

မိမိရွေးချယ်ထားသော Thailand Privilege ပက်ကေ့ခ်ျအတွက် လျှောက်လွှာဖြည့်ပြီးလျှင် စာရွက်စာတမ်းအားလုံးကို Siam Legal ၏ Thailand Privilege အဖွဲ့ထံသို့ပို့ပေးပါ။
ထိုင်းလဝကအရာရှိများမှစီစစ်မည့်နောက်ခံရာဇဝင်စစ်ဆေးမှုကိုပြီးမြောက်အောင်ဆောင်ရွက်ပါ။
ခွင့်ပြုကြောင်းပေးစာနှင့်ငွေရပြေစာတို့ကိုရရှိသည်အထိစောင့်ပေးပါ။
Thailand Privilege Card (TPC) သို့ အဖွဲ့ဝင်ကြေးများပေးဆောင်ပါ။
ကြိုဆိုကြောင်းပေးစာနှင့်အဖွဲ့ဝင်၏ ID ရရှိသည့်အချိန်အထိစောင့်ပေးပါ။ အဖွဲ့ဝင်များသည် အဖွဲ့ဝင်ကတ်ပြားရရှိလိုပါက မိမိတို့ဆန္ဒအလျောက်ရွေးချယ်ခွင့်ရှိပါသည်။
မိမိ၏ Thai Elite Visaကို ခရီးသွားစာရွက်စာတမ်းများတွင်ကပ်ပေးပါ။
အဖွဲ့ဝင်မှုအမျိုးအစားအသစ်မှ သင့်အားပံ့ပိုးပေးသည့် အခွင့်ထူးများနှင့်အကျိုးခံစားခွင့်များ ရရှိခံစားရပါမည်။

အချိန်ဇယားနှင့်ကြာမြင့်ချိန်

စုစုပေါင်း ။။ (၁) လမှ (၃)လအထိ (နိုင်ငံသားအပေါ်မူတည်၍)
နောက်ခံရာဇဝင်စစ်ဆေးမှုများ ။။ (၄)ပတ်မှ (၆)ပတ် အတွင်း
ငွေရရှိကြောင်းအတည်ပြုချင် ။။ (၁)ပတ်၊ (၂)ပတ် အတွင်း
ကြိုဆိုကြောင်းပေးစာနှင့် အဖွဲ့ဝင်၏ ID လက်ခံရရှိခြင်း ။။ ငွေပေးချေပြီးသည်မှ (၅)ရက်၊ (၁၀)ရက်အတွင်းဆောင်ရွက်ပေးခြင်း

မှတ်သားရန် ။။ Thailand Privilege မှဆောင်ရွက်ပေးသည့် လျှောက်ထားမှုလုပ်ငန်းစဉ်သည် ယခင် Thailand Elite အဖွဲ့ဝင်မှုများမှာထက် ပို၍လျင်မြန်သည်ဟု ၎င်းကဆိုပါသည်။

သိလိုသူအများဆုံးမေးခွန်းများ

ဒီအဖွဲ့ဝင်မှုကို မိသားစုဝင်တစ်ယောက်အတွက် လျှောက်ပေးလို့ရပါသလား။

ဟုတ်ကဲ့ရပါတယ်။ ပင်မအဖွဲ့ဝင်က ၎င်းကိုလျှောက်ထားပြီးနောက် မိသားစုဝင်များကို အဖွဲ့ဝင်မှုတွင် ပေါင်းထည့်နိုင်သည်။ ပင်မအဖွဲ့ဝင်သည် အခကြေးငွေ ၁၅ သိန်း THB အပြည့်ပေးဆောင်ပြီး မိသားစုဝင်တစ်ဦးစာအတွက် THB ၁၀ သိန်းပေးပြီး တရားဝင်အဖွဲ့ဝင်အဖြစ် ထပ်မံပေါင်းထည့်နိုင်သည်။

ပလက်တီနမ်အဆင့်အဖွဲ့ဝင်မှုရှိထားလျှင် အခမဲ့ဘဏ်အကောင့်အကူအညီ၊ ယာဉ်မောင်းလိုင်စင်အကူအညီနှင့် ရက်ပေါင်း(၉၀‌)အစီရင်ခံခြင်းအကူအညီများကိုရရှိနိုင်ပါသလား။

ဘဏ်အကောင့်ဖွင့်ရန် သို့မဟုတ် ယာဉ်မောင်းလိုင်စင်ရယူရန် Elite Personal Liaison ၏အကူအညီကိုရယူခြင်းနှင့် သင့်ကိုယ်စား ရက် ၉၀ အစီရင်ခံတင်ပြခြင်းအတွက် Thailand Privilege ဝန်ထမ်းတစ်ဦးထံမှ ပံ့ပိုးကူညီမှုရယူနိုင်ပါသည်။ ဤအခွင့်အရေးသည် အခြေခံအကျိုးခံစားခွင့်မဟုတ်သောကြောင့် အထူးအခွင့်အရေး အမှတ်များကို အသုံးပြု၍ ဝယ်ယူရန် လိုအပ်ပါသည်။ ဆိုလိုသည်မှာ သင်သည် ထိုင်းနိုင်ငံတွင် တစ်နှစ်ပတ်လုံးနေထိုင်ပါက၊ သင်သည် ထိုတစ်နှစ်အတွင်း ရက်ပေါင်း (၉၀) အစီရင်ခံခွင့်ကို (၄) ကြိမ်ဝယ်ယူရန် လိုအပ်ပါသည်။

Thai Elite Visa ကိုလက်ရှိကိုင်ဆောင်ထားပြီး ၎င်းကို PLATINUM Membership ပလက်တီနမ်အဆင့်အဖွဲ့ဝင်မှုသို့အဆင့်တိုးမြှင့်နိုင်ပါသလား။

ဟုတ်ကဲ့ရပါတယ်။ Elite Easy Access၊ Elite Family Alternative၊ Elite Privilege Access သို့မဟုတ် Elite Superiority Extension အဖွဲ့ဝင်မှုတစ်မျိုးမျိုးရှိထားသူများသည်လည်း ဗီဇာအဟောင်းစနစ်မှ စနစ်အသစ်သို့ အဆင့်တိုးမြှင့်ခြင်းဖြင့် ၁၀ နှစ်ကာလသက်တမ်းရရှိနိုင်ပါမည်။ လျှောက်ထားသူများအနေဖြင့် Thai Elite Privilege ပက်ကေ့ခ်ျအဟောင်းမှ Thailand Privilege အဖွဲ့ဝင်မှုအသစ်သို့ အဆင့်မြှင့်တင်ရန် ထိုင်းဘတ် (၁)သိန်းကျသင့်ပါမည်။ နောက်ထပ်ပေးဆောင်ရမည့်အဖိုးအခများအနေဖြင့် မူလကတ်၏လိုအပ်ချက်အရ နှစ်စဉ်ကြေး ထိုင်းဘတ်ငွေ ၇၅၀၀၀ ပေးဆောင်ရပါမည်။

ပလက်တီနမ်အဆင့်အဖွဲ့ဝင်မှုကတ်ကို အခြားသူတစ်ဦးထံ လွှဲပြောင်းလို့ရနိုင်ပါသလား။

ဟုတ်ကဲ့ရပါတယ်။ ထပ်ပေါင်းထည့်ထားသောမိသားစုဝင်များ သို့မဟုတ် မိတ်ဆွေသူငယ်ချင်းများသည်လည်း ၎င်းကတ်ပြားကိုမူလကိုင်ဆောင်ထားသူနှင့်အတူ အကျိုးခံစားမှုများကို အတူမျှဝေသုံးစွဲနိုင်ပါသည်။

Siam Legal ကိုဘာကြောင့်ရွေးချယ်တာလဲ

လျှောက်ထားမှုလုပ်ငန်းစဉ်အဆင်ပြေချောမွေ့နိုင်စေရန်အလို့ငှာ လျှောက်ထားလိုသူများသည် ထိုင်းနိုင်ငံ၏ပြည်တွင်း၌ဖြစ်စေ ပြည်ပ၌ဖြစ်စေ General Sales and Services Agent (GSSA)၏ဝန်ဆောင်မှုကိုရယူနိုင်ပါသည်။ ဤနည်းအားဖြင့် အဖွဲ့ဝင်မှုပက်ကေ့ခ်ျများနှင့်ပတ်သက်သော လျှောက်ထားသူတို့၏စိုးရိမ်မှုများအတွက်အကူအညီဖြစ်စေသလို လျှောက်ထားမှုလုပ်ငန်းစဉ်တစ်လျှောက်မှာလည်း လမ်းညွှန်ကူညီပေးနိုင်ပါမည်။ GSSA အဖွဲ့တခုမှတစ်ဆင့် ‌လျှောက်ထားခြင်းသည် အောင်မြင်မှုရရှိနှုန်း ပို၍များနိုင်ကြောင်းအာမခံပါသည်။ Siam Legal သည်လည်း ထိုကဲ့သို့သော GSSA တစ်ခုဖြစ်သည်နှင့်အညီ ၎င်း၏ကျွမ်းကျင်သူများအဖွဲ့သည် Thailand Privilege နှင့်ပတ်သက်ရ၍ ကောင်းစွာသိနားလည်ကြသူများဖြစ်ပြီး လျှောက်ထားသူများကို အောင်မြင်စွာဖြင့်အဖွဲ့ဝင်မှုရရှိနိုင်အောင်ဆောင်ရွက်ပေးလျက်ရှိပါသည်။ လျှောက်ထားမှုလုပ်ငန်းစဉ်တစ်ခုလုံးနှင့် အကြံဉာဏ်တောင်းယူခြင်းကိစ္စများကို အွန်လိုင်းမှဆောင်ရွက်ခြင်းဖြစ်သည့်အတွက် ထိုင်းနိုင်ငံရှိ Siam Legal သို့အရောက်လာရန် လက်မှတ်ကြိုတင်စီစဉ်ထားဖို့ထားမလိုအပ်ပါ။

Siam Legal မှတဆင့်လျှောက်ထားခြင်း၏အကျိုးကျေးဇူးများ –

ဥပဒေရေးရာကိစ္စများနှင့်ပတ်သက်၍ တစ်ကြိမ်အခမဲ့အကြံဉာဏ်ရယူနိုင်ခြင်း (၁ နာရီ)
လဝကရေးရာကိစ္စများနှင့်ပတ်သက်၍တစ်ကြိမ်အခမဲ့အကြံဉာဏ်ရယူနိုင်ခြင်း (၂နာရီ)
နိုတြီဝန်ဆောင်မှုအခမဲ့တစ်ကြိမ်ရယူနိုင်ခြင်း
ထိုင်းဘဏ်အကောင့်ဖွင့်ခြင်းအတွက်အခမဲ့အကူအညီရယူနိုင်ခြင်း
ဥပဒေရေး‌ရာနှင့် လဝကရေးရာ ကိစ္စများအတွက် အထောက်အကူဖြစ်စေရန် VIP ဖုန်းနံပါတ်များထားရှိပေးခြင်း
ပတ်ကေ့ခ်ျတန်ဖိုးမှလွဲ၍ အခြားအခကြေးငွေထပ်ပေးစရာမလိုခြင်း